ଚଁର ପୋଖରୀ ଡଅଁର ଗଣ୍ଡରେ
ଭଅଁର କରିଛି
ବସା
କୋଊ କଥା ପାଇଁ କରିଲି ଆଶା
ଦାଣ୍ଡେ
ହେଲି ଲୋକହସା ।
|
ଚକ ଢିଲାକୁ ଅଖ ଢିଲା
ଯାଉ ଯାଉ ଗାଡ଼ି ଯୁଆଡ଼େ ଗଲା ।
|
ଚମ ବାଇଦ କୋଶେ
ତୁଣ୍ଡ ବାଇଦ ସହସ୍ର କୋଶେ ।
|
ଚଷା, ଲକ୍ଷେ ଜୀବ ପୋଷା ।
|
ଚଷା ହୁଡିଲେ ବରଷେ
ଭୋଟର ହୁଡିଲେ ପାଞ୍ଚ ବରଷ ।
|
ଚହଚହକା ମହମହକା
ପାଇ ଆଣିଥିଲି ତୋତେ
ଟାକୁଆ ଗାଲରେ ମାଉଁସ ଲାଗିଲା
ଜବାବ ଦେଉଛୁ ମୋତେ ।
|
ଚାଉଳ ସେରକ କେତେ
ନା, ମୁଁ ମଠରେ ଖାଏ ।
|
ଚାଉଳ କେତେ ଭାଉ
ଆମେ ମାମୁଙ୍କ ବସାରେ ଖାଉ ।
|
ଚାଉଳ ସେରକୁ ତିନି ପରାଣୀ
ଆହୁରି ଯାଉଛି ବୋହୁକୁ ଆଣି ।
|
ଛାତ ଘର ପୁଅ ଚାଟ
ଭାଟ ଘର ପୁଅ ଭାଟ ।
|
ଚାଟୁଥା
ପଚ୍ଛରୁ ଗଳାକୁ କାଟୁଥା ।
|
ଚାଳେ ଚାଳେ ଗଲା ଚାଳୁଆ ମୂଷା
କେହି ନଜାଣିଲେ ସାଇ ପଡ଼ିଶା ।
|
ଚାଷ ନାହିଁ ଯା’ର
ବାସ ନାହିଁ ତା’ର ।
|
ଚାଷ ହୁଡିଲେ ବରଷେ
ପାଠ ହୁଡିଲେ ପୁରୁଷେ ।
|
ଚିନ୍ତା ଖାଏ ଗଣ୍ଡି
ଲୁଣ ଖାଏ ହାଣ୍ଡି ।
|
ଚିହ୍ନା ବ୍ରାହ୍ମଣର କି
ପଇତା ଲୋଡା
?
|
ଚୂନ ରଗ ପାନେ ମରୁ
ମନ ରଗ ମନେ ମରୁ ।
|
ଚେଇଁ ଶୋଇଥିବ ଯିଏ
ତାକୁ ଉଠେଇବ କିଏ?
|
ଚୋରଙ୍କର ଭାରି ମୁହଁ ଟାଣ।
|
ଚୋର ମାଆ କାନ୍ଦେ ନାହିଁ
ଯଦି କାନ୍ଦେ ଦୁଆର ଦେଇ କାନ୍ଦେ ।
|
ଚୋର ପଳାଇବା ପରେ ବୁଦ୍ଧି ବାହାରେ ।
|
ଚୋର ହୋଇ ପୁଣି ପାଇକ ପଣ ।
|
ଚୋରକୁ କହୁଛି ଚୋରୀ କର
ସିପାହିକୁ କହୁଛି ଜଗିଥା ।
|
ଚୋର ମନ ଗଣ୍ଠିଲିରେ
ବାବାଜୀ ମନ କଣ୍ଠିରେ
ବେପାରୀ ମନ ପାଣ୍ଠିରେ ।
|
ଚୋରୀ କଲା ଲୋକର ଏକ ପାପ
ଚୋରୀ ଗଲା ଲୋକର ସହସ୍ର ପାପ ।
|
ଛ’ଅଡ଼ା ବଣିକ ବାନ୍ଧେ ପାଣି ।
|
ଛାଇତ ଛାଇ, ଛତାର
ଛାଇ
ଗଛ ଛାଇ, କି ସଙ୍ଗତେ ଯାଇ?
|
ଛିଣ୍ଡା କବଟା, ହଜିଲେ
ମଠା ।
|
ଛି ଛିରେ ପଚା ପଇଡ
ଭାସି ଯାଉଥିଲୁ
ମଝି ନଈର
ସାଉଣ୍ଟି ଆଣିଲି ତୋତେ
ତୋ ଦେହରେ
ଚେରିମି ଲାଗିଲା
ଜବାବ ଦେଉଛୁ ମୋତେ ।
|
ଛି ଲୋ ଛତୁ,
ମେଘ ବରଶିଲେ କେତେ ତୁ ଫୁଟୁ ।
|
ଛି ଲୋ ବିଲେଇ କାହିଁକି ଋଷୁ
ସେଇ ଭାଡ଼ି ତଳେ ପୁଣି ପଶୁ ।
|
ଛୋଟ ସାପର ବିଷ ଟାଣ ।
|
ଛୋଟୀ ବିରାଡି
କୁଜି ଅସରପା ଉପରେ ଟାଣ ।
|
ଛୋଟୀ କି ଶ୍ରୀବନ୍ତି କହିଲେ
ଗୋଡକୁ ବୁଲାଇ ପକାଏ ।
|
ଜଗନ୍ନାଥଙ୍କର ବଡେଇ
କାହାକୁ ଦିଅନ୍ତି ପାଟ ପୀତାମ୍ବରୀ
କାହାକୁ ଦିଅନ୍ତି ଗଡେଇ ।
|
ଜର କଲା ଧାନ କୁଟା ବେଳକୁ
ଛାଡିଗଲା ଭାଟ ଫୁଟା ବେଳକୁ ।
|
ଜାନ ଯାଉ, ମହତ ଥାଉ
ମହତ ଗଲେ ନମିଳେ ଆଉ ।
|
ଝାମ୍ପୁରୀ ମୁଣ୍ଡି ଓଲେଈ ତୁଣ୍ଡି
ଏମାନଙ୍କ ହାତେ ନଦେବ ହାଣ୍ଡି ।
|
ଝିମିଟି ଖେଳରୁ ମହାଭାରତ ।
|
0 Comments