କୁଳୁକୁଳୁ ଗାଇ ମଧୁର ସଗୀଂତନଦୀ ଯାଉଅଛି ବହି
ଅଙ୍କାବଙ୍କା ତାର ସର୍ପିଳ ପଥରେ
କେତେ ବାଧାବିଘ୍ନ ସହି |
ଝରଝର ହୋଇ ଝରୁଛି ଝରଣା
ସୁଶୀତଳ ଜଳ ଦାନ
ତଟବର୍ତ୍ତୀ ତାର ସବୁଜ ବନାନୀ
କରୁଛି ଅମୃତ ପାନ |
ସିରିସିରି ବହେ ଶୀତଳ ପବନ
ବାଣ୍ଟେ ମଧୁ ସମୀରଣ
ଫୁଲକୁ ଝୁଲାଏ ପତ୍ରକୁ ହଲାଏ
ମଳୟ ଖୋଜେ ଚନ୍ଦନ |
ଝିପିଝିପି ବର୍ଷା ମାଟିକୁ ଛୁଇଁଲେ
ଛୁଟେ ମଧୁର ମହକ
ଭିଜାଇ ଦେଇ ସେ ମାଟିର ହୃଦୟ
ବୀଜ ବପନେ ପୁଲକ |
ଗୁଣୁଗୁଣୁ ଗାଇ ମଧୁପ ଆନନ୍ଦେ
ମଧୁ ପାନେ ଆତ୍ମତୃପ୍ତି
ସର୍ବଜନେ ବାଣ୍ଟି ମହୁଆ ମହୁକୁ
ମୁଖେ ଫୁଟାଏ ସେ ଦୀପ୍ତି |
କେରିକେରି ଧାନ କାଟୁଛି କୃଷକ
ଶ୍ରମତା' ଅମୂଲ ମୂଲ
ସାରାଜଗତକୁ ଅନ୍ନଦାନ ଦିଏ
ତା' ଦାନର ନାହିଁ ତୁଳ ||
---------------------------------
ସାଇଲୋ ଝାରପଡା ଉ.ପ୍ରା.ବିଦ୍ଯାଳୟ, କଣ୍ଟାପଡା, କଟକ |
0 Comments