ବୈଶାଖ ଜେଷ୍ଠେ ନିଦାଘ ଜାଳୁଛି
ଉହ୍ନେଇରେ ହୁତାଶନ
ଅନଳୁ ତପତ ହୃଦୟ ଦହଇ
ଅନ୍ୟର କଟୁ ବଚନ ।
ବରଣୀକନ୍ଯା ବରଷାରାଣୀଗୋ
ଆସ ଆସ ଧରା ବୁକେ
ମେଘପୁଷ୍ପ ବିଂଚି ତପତ ବିନାଶ
ବିକଳ ପରାଣ ଡାକେ ।
ତୁମେ ଆସିଗଲେ ଆସିବ ସମୀର
ଶୀତଳତା ଯିବ ଭରି
ହସିବ ବନାନୀ ଫୁଟିବା କଦମ୍ବ
ସଙ୍ଗୀତ ରାଗିଣୀ ଝରି ।
ବରଷାର ଧାରା ମଧୁର ବଚନ
ସୁଧା ଢାଳି ଦିଏ ପ୍ରାଣେ
ହୃଦୟ କନ୍ଦରେ ବନ୍ଧା ପଡିଯାଏ
ପ୍ରୀତି ର କୁସୁମ ବୁଣେ ।
ଏଶୁଷ୍କ ଧରା ହେବ ମଧୁମୟ
ରିମ୍ ଝିମ୍ ବରଷାରେ
ମୟୂର ନାଚିବ ଝିଙ୍କାରି ଗାଇବା
ଆଷାଢ ର ପ୍ରେମ ପରେ।
ପ୍ରୀତିର ପାଖୁଡ଼ା ଖୋଲିବ କୁମୁଦ
ଚଖାଇବ ପ୍ରେମ ମଧୁ
ମାନବ ପ୍ରେମର ମହୁଆ ମହକେ
ପ୍ରରଷିବ ସୁଧା ସାଧୁ ।
================
ପ୍ରଧାନ ଶିକ୍ଷୟିତ୍ରୀ ସାଇଲୋଝାରପଡା ଉପ୍ରାବିଦ୍ଯାଳୟ କଣ୍ଟାପଡା କଟକ
0 Comments