ଆଲୋକ ପର୍ବ - କବିତା ମହାନ୍ତି

ପ୍ରତି ଗୃହାଙ୍ଗନେ ସୌଭାଗ୍ୟ ପ୍ରଦୀପ

ଜ୍ୟୋତି ପ୍ରକଟିତ  ହେଉ

ତମିସ୍ରା ବିନାଶୀ ଏଧରା ବକ୍ଷରେ

ପ୍ରେମାଲୋକ ଖେଳି ଯାଉ ।

ଦୁଃଖର କାଳିମା  ପୋଛୁ କାଳୀ ମାତା

ଅନ୍ନ ବ୍ରହ୍ମେ ମେଣ୍ଟୁ କ୍ଷୁଦା

ପାପ ଅତ୍ୟାଚାର  ଅନୀତି ଦୁର୍ନିତି

ଅଗ୍ନି  ଜାଳି ଦେଉ ସଦା ।

ସତ୍ୟ ନ୍ୟାୟ ଧର୍ମ ଦିବ୍ୟ ଆଲୋକରେ

କାଳରାତ୍ରୀ ଯାଉ ହଟି

ପୁଣ୍ୟ ପିୟୁଷର ପ୍ଳାବନେ ଧରଣୀ

ଫଳପୁଷ୍ପେ ଯାଉ ଲୋଟି ।

ଆତସବାଜି ରେ ଶଦ୍ଦ ପ୍ରଦୂଷଣ

ଅମୂଲ୍ୟ  ଜୀବନ ହାନି

ଜାଳି ଦେବା ନାହିଁ  ଉପାର୍ଜିତ  ଧନ

ଦୀନର ଦେଖ ଦଇନି ।

ଖାଦ୍ୟ ବାସ ମିଠା ବାଣ୍ଟି ଦିଅ ତୁମେ

ଅନ୍ୟ ମୁଖେ ଫୁଟୁ ହସ

ଆଲୋକର ପର୍ବ ଝଲସି ଉଠିବ

ହୃଦୟୁ ଝରି ଆଶିଷ ।

ଅମା ଅନ୍ଧକାର ପୁରି  ରହିଅଛି

ଅନୀତି  କରିଛି ଗ୍ରାସ

ଅବତରି ମାଆ ବିନାଶୁ ଦୁର୍ନିତି

ପ୍ରକୃତି ହେଉ ଉଶ୍ଵାସ  ॥

------------------------

ପ୍ରଧାନ ଶିକ୍ଷୟିତ୍ରୀ - ସାଇଲୋ ଝାରପଡା ଉ.ପ୍ରା.ବିଦ୍ୟାଳୟ, 

କଣ୍ଟାପଡା, କଟକ

ମୋବାଇଲ - ୭୦୭୭୯୩୦୦୭୫