ମା ମହାମାୟୀ - କଲ୍ୟାଣୀ ନନ୍ଦ

ଏ ଶୁଭ ପ୍ରଭାତେ  ମା ତୁମେ ଜଗତେ
      ଆସ ନବ ରୂପ ନେଇ
ତୁମରି ସନ୍ତାନ   କରୁଛି ବନ୍ଦାଣ
       ପୂଜା ଅର୍ଘ୍ୟ ଥାଳି ସଜାଇ
       ଆସ ନବ ରୂପ ନେଇ |

ଶରତେ ଶାରଦା  ବରଦେ ବରଦା
      ସନ୍ତାନ ବତ୍ସଳ। ଜନନୀ
ଟୋପି ଟୋପିକାକରରେ
              ଭିଜି ଭିଜି ସରାଗରେ
      କାଶତଣ୍ଡି  ଚାମର କଲାଣି
      ତୋ ସେନେହ ବାରିଧାର
       ଭିଜି ଯାଉ କଣ୍ଠସ୍ୱର
    ଗାଉ  ଜୟମହାମାୟୀ
    ଆସ ନବରୁପ ନେଇ |

ଏ ଘନ ଅନ୍ଧାରେ   ଖୋଜେ ମୁଁ ଆତୁରେ
        ତୁମ ଅମୃତ ପରଶ
ତୁମ ପାଦ ଧୂଳି      ମଥାରେ ମୁଁ ବୋଳି
         ପାଇଯାଏ ଶୁଭାଶିଷ
          ଏତିକି ମୋ ଅଳି
          ନିଅ ମୋତେ ତୋଳି
        ଦିନ ଯାଉ ରୂପ ଧ୍ୟାୟୀ
        ଗାଉ ଜୟ ମହାମାୟୀ ||

Post a Comment

0 Comments