ମାଇଚିଆ

ଜାଣେନା ତୁମେ କ’ଣ ବୁଝ;

ହେଲେ ମୋ ପାଇଁ ତ ସେ

ଯିଏ ଜଣେ ଅଚିହ୍ନା ଝିଅଟିଏ ପାଇଁ

ଛାଡ଼ି ଆସେ

ନିଜ ବାପା ମା’ଙ୍କୁ

ଏକା କରିଦେଇ ।

 ସେ, ଯିଏ ହରାଇଥାଏ

ନିଜ ମାନସିକତା

ଜଣେ ସାମାନ୍ୟ ଝିଅଟିଏ ପାଇଁ

ଆଉ ହାରିଯାଏ

ସମାଜରେ, ପୁଣି ତା’

ପଣତକାନୀରେ

ଡରିଡରି ଲୁଚେ ।

ହାୟ… ହାୟ...ସେ ମାଇଚିଆ

ଧମକାଇବା, ଭିକମାଗିବା

ତା ପ୍ରକୃତି ନୁହେଁ,

ସେ ତ’

ଡରିଡରି ଲୁଚିବା, ଆଉ

ସେ ମାଗିଖିଆକୁ

ଭିକ ନ ଦେବାରେ ଥାଏ ।

--------------------------------------------

- ନରେଶ କୁମାର ବେହେରା

ମାର୍ଫତ୍ - ବସୁଧା କମ୍ପ୍ୟୁଟର, ଗୋଇଲୁଣ୍ଡି ମେନ୍ନ ରୋଡ଼, ବ୍ରହ୍ମପୁର, ଗଞ୍ଜାମ

ମୋବାଇଲ - ୭୮୦୯୮୭୨୪୮୩